मुंबई, २९ जुलै – बॉलिवूड सुपरस्टार आमिर खानने जाहीर केले आहे की त्याचा नवा चित्रपट सितारे जमीन पर १ ऑगस्टपासून YouTube Movies On Demand वर पाहता येईल. हा चित्रपट जूनमध्ये थिएटरमध्ये प्रदर्शित झाला होता आणि त्याने बॉक्स ऑफिसवर ₹२५० कोटींचा गल्ला जमवला आहे.
भारतात हा चित्रपट ₹१०० मध्ये YouTube वर उपलब्ध होणार असून, अमेरिका, कॅनडा, यूके, ऑस्ट्रेलिया, जर्मनी, इंडोनेशिया, फिलिपिन्स, सिंगापूर, स्पेन यासह ३८ आंतरराष्ट्रीय देशांमध्येही स्थानिक किंमतीनुसार स्ट्रीम केला जाईल.
आर. एस. प्रसन्ना दिग्दर्शित सितारे जमीन पर हृदयस्पर्शी कथानक आणि प्रभावी अभिनयासाठी प्रेक्षक व समीक्षकांकडून विशेष कौतुक मिळवत आहे. हा चित्रपट विशेषतः मानसिक आणि शारीरिक अडचणींना सामोरे जाणाऱ्या मुलांवर आधारित असून त्याची मांडणी खूप भावनिक पद्धतीने करण्यात आली आहे.
YouTube Movies चा वापर करून चित्रपट प्रदर्शित करण्याचा हा पायंडा भारतीय चित्रपटसृष्टीसाठी नवा टप्पा ठरू शकतो, कारण यामुळे प्रेक्षकांना कोणतेही OTT सबस्क्रिप्शन नसतानाही सोयीस्कर दरात चित्रपट पाहण्याची संधी मिळते.
