झारखंड – झारखंड सरकारचे श्रम, नियोजन, कौशल्य विकास व उद्योग विभागाचे मंत्री संजय प्रसाद यादव यांनी आज झारखंडमधील प्रसिद्ध तीर्थस्थळ बाबा बासुकीनाथ धाम येथे भेट देऊन विधिवत पूजा-अर्चा केली. त्यांनी नागेश्वर ज्योतिर्लिंगाचे दर्शन घेऊन वैदिक पद्धतीने आरती केली.
या शुभ प्रसंगी मंदिर परिसरात सुरक्षा व्यवस्था कडक करण्यात आली होती. मंत्री यांच्या आगमनामुळे परिसरात भाविकांमध्ये उत्साहाचे वातावरण होते. त्यांनी शांततेने आणि भक्तिभावाने दर्शन घेतले आणि धर्मिक विधी पार पाडले.
मीडिया प्रतिनिधींशी बोलताना संजय प्रसाद यादव म्हणाले, “मी झारखंड, बिहार आणि संपूर्ण जगासाठी मंगल कामना केली आहे. तसेच बाबा बासुकीनाथकडे प्रार्थना केली की मला जनतेची निस्वार्थ सेवा करण्याची शक्ती व संधी मिळावी.”
त्यांच्या या भेटीने धार्मिकतेसोबतच राज्यात एक सकारात्मक संदेश गेला असून, लोकांमध्ये त्यांच्या या अध्यात्मिक प्रवृत्तीचे कौतुक होत आहे. बासुकीनाथ धाम हे झारखंडमधील एक प्रमुख शिवतीर्थ असून, दरवर्षी लाखो भाविक येथे दर्शनासाठी येतात.
