नवी दिल्ली : बॉलीवूडचा सुपरस्टार अक्षय कुमार, रितेश देशमुख आणि अभिनेत्री जॅकलीन फर्नांडिस यांच्या प्रमुख भूमिका असलेल्या ‘हाउसफुल 5’ चित्रपटाने बॉक्स ऑफिसवर 104.98 कोटी रुपयांची कमाई करत शंभरी पार केली आहे. ही माहिती चित्रपटाच्या निर्मात्यांनी मंगळवारी दिली.
‘हाउसफुल’ या विनोदी चित्रपट मालिकेतील पाचवा भाग असलेला ‘हाउसफुल 5’ 2010 मध्ये सुरू झालेल्या मालिकेची पुढची कडी आहे. या चित्रपटाचं दिग्दर्शन तरुण मनसुखानी यांनी केलं आहे. चित्रपटाने प्रदर्शित झाल्यानंतर पहिल्या काही दिवसांतच प्रेक्षकांची पसंती मिळवत दमदार कामगिरी केली आहे.
चित्रपटात विनोद, कौटुंबिक गोंधळ आणि आकर्षक दृश्यांसोबतच उत्तम अभिनय पाहायला मिळत आहे. अक्षय कुमार आणि रितेश देशमुख यांची जोडी पुन्हा एकदा प्रेक्षकांना हसवण्यासाठी सज्ज झाली आहे. त्याचबरोबर जॅकलीन फर्नांडिसची उपस्थितीही चित्रपटात चारचाँद लावते.
चित्रपट व्यापार विश्लेषकांच्या मते, ‘हाउसफुल 5’ लवकरच आणखी मोठा गल्ला जमवेल अशी अपेक्षा आहे, कारण आगामी आठवड्यात सण आणि सुट्ट्यांमुळे थिएटरमध्ये गर्दी वाढण्याची शक्यता आहे.
‘हाउसफुल’ फ्रँचायझीने नेहमीच प्रेक्षकांचे मनोरंजन केले आहे आणि ‘हाउसफुल 5’ त्याच परंपरेला यशस्वीरित्या पुढे नेत आहे. आता हा चित्रपट किती लांब झेप घेतो, याकडे सर्वांचे लक्ष लागले आहे.
