संयुक्त राष्ट्र, २९ जुलै – भारतातील सहकारी संस्था आता पारंपरिक चौकटींपलीकडे जाऊन डिजिटल सेवा, ऊर्जा, आणि वित्तीय समावेशन यांसारख्या क्षेत्रांमध्ये नवकल्पना व आत्मनिर्भरतेचे प्रभावी माध्यम बनल्या आहेत, असे प्रतिपादन केंद्रीय गृहमंत्री आणि सहकार मंत्री अमित शहा यांनी संयुक्त राष्ट्रांमध्ये केले.
अमित शहा यांनी सांगितले की, सहकार क्षेत्र हे केवळ कृषीपूरक किंवा ग्रामीण विकासापुरते मर्यादित न राहता आता आर्थिक, तांत्रिक आणि सामाजिक नवोन्मेषाला चालना देणारे केंद्र बनले आहे.
त्यांनी असेही नमूद केले की, सहकारी संस्थांमुळे भारतातील अनेक लहान उद्योजक, शेतकरी आणि महिला स्वयंसहायता गटांना सक्षम बनवण्याची प्रक्रिया वेगाने सुरू आहे.
अमित शहा यांचे हे भाषण भारताच्या सहकार चळवळीच्या जागतिक मंचावरील बदलत्या आणि व्यापक प्रभावाचे प्रतीक मानले जात आहे.
