शिमला (9 सप्टेंबर): पंतप्रधान नरेंद्र मोदी यांनी मंगळवारी हिमाचल प्रदेशातील पूर व भूस्खलनग्रस्त भागांची पाहणी करत मंडी व कुल्लू जिल्ह्यांचा हवाई दौरा केला. त्यानंतर ते काँगडा जिल्ह्यातील गग्गल विमानतळावर पोहोचले.
पंतप्रधानांचे राज्यपाल शिव प्रताप शुक्ला, मुख्यमंत्री सुखविंदर सिंग सुक्खू आणि उपमुख्यमंत्री मुकेश अग्निहोत्री यांनी स्वागत केले. या प्रसंगी विरोधी पक्षनेते जय राम ठाकूर, राज्य भाजप अध्यक्ष राजीव बिंदल, तसेच इतर भाजप आमदार उपस्थित होते.
पंतप्रधानांच्या या दौऱ्यामुळे केंद्र सरकारकडून आपत्ती व्यवस्थापनासाठी तातडीने मदत आणि पुनर्वसन कार्याला गती मिळण्याची अपेक्षा व्यक्त केली जात आहे. पूर आणि भूस्खलनामुळे मोठ्या प्रमाणावर जनधनहानी झालेल्या हिमाचलमधील संकटग्रस्त भागांतील परिस्थितीचा आढावा घेण्यासाठी हा दौरा महत्त्वपूर्ण मानला जात आहे.
